關於RayCity光線飛車復活計劃

Posted on

時間翻到2015年,當期時大陸嘅伺服器已經停咗將近5年嘅時間,台灣,韓國,泰國停運接近2年。我相信有好多人都唔記得咗呢隻遊戲。

我去咗光線飛車嘅百度貼吧,睇到有唔少人仲喺度post自己架車上去,仲問遊戲幾時會再開,邊個地區嘅伺服器仲開緊。

好似大陸嘅伺服器啱啱刪咗無幾耐,去睇翻啲資料,先至發覺,當時已經就嚟5年,到而家已經接近7年。

我嗰陣時好激動,仲有咁多人鐘意呢個遊戲,所以我想聚集一批人嚟號召RayCity版權嘅擁有者“EA”重新開啟運營權。

於是喺2015年2月2號,建立咗我地嘅QQ群(174660973),正式開始咗復活呢條漫漫長路。。。

當時諗到唔同嘅方案:搵仲存在嘅伺服器、自己開私服、同EA請願、眾籌買版權等等。經過仔細嘅研究,發現呢啲方案都冇辦法實現:

  • EA喺2013年,亦即係最後剩低嘅泰國伺服器合約到期嗰陣就已經正式收翻版權,唔再進行任何續約。
  • 網絡流傳嘅服務端亦都係殘缺版,無辦法再啟用,亦都無人搵到過其他私人伺服器。
  • 請願嘅諗法亦都係俾知乎網友話係唔洗再考慮嘅。詳情知乎問題。
  • 購買版權呢個問題,經過我嘅了解,有人就專登為左呢件事去聯繫左EA總部,直接食左閉門羹。

所有網絡上而家有關於私服、已經可以玩、光線飛車2/光速城市2發佈,純屬子虛烏有,大家唔好再受騙。

 

後尾我亦嘗試咗用唔同遊戲做基礎,製作MOD黎復刻RayCity,經過一段時間內部成員測試,效果亦唔好。

近呢幾年嚟,呢個計劃有間斷過,但重未放棄過,仲喺度搵緊同嘗試復活嘅方法。

近年嚟遊戲嘅引擎技術不斷發展,效果更加好、上手更加簡單、價格亦相對平,甚至免費。與其喺度等,不如我哋重做!但係呢

過程都會好緩慢,以我所知呢個QQ群裡面,暫時只有我一個人做呢件事。

 

經過考慮,都係覺得要先擴大復活計劃的影響力,

俾更多人知道,有咁嘅一批人,聚集喺呢度,期待RayCity復活。

俾更多人知道,呢到有一批管理員,喺度為咗復活計劃出謀劃策。

俾更多人知道,喺呢個地方,可以為咗復活,而貢獻自己的力量。

 

所以正式開啟左呢個網站,作為復活計劃嘅官方網站。

歡迎你關注呢個網址:https://RayCity.Pro

歡迎你關注我地嘅FB專頁:RCRP.HongKong

歡迎你加入我地嘅QQ群: 174660973

歡迎你電郵俾我:Contact@RayCity.Pro

 

希望再同大家係RayCity嘅世界裡面見面、賽車!

RayCity光線飛車復活計劃 發起人:John.G

 

白話轉寫:Sean Chan、Victor Cheng、Mr.Tan (排名不分先後)

说点什么

Be the First to Comment!

Notify of
wpDiscuz